*14* *14* *14* * مره واحد عداه العيب خد الى بعد
* مرة واحد دماغه لفت قابلها من الشارع التانى
* واحد اتجوز واحدة اسمها نعمة باسها وش و ضهر
* مدير مدرسه عمل فرح وزع على المعازيم أرقام جلوس
* فيه واحد شحات راح لواحد عجلاتي قال له أعطني مما أعطاك الله قال له العجلاتي خد لك لفة
* مدرس سأل تلميذ ما معنى جوز هند بالإنجليزى قال التلميذ كوكونت قاله المدرس حطها فى جملة قال التلميذ كوكونت من الشباك
* واحد بلدياتنا رجع فى كلامه داس اللى وراه
* مدرس جغرافيا جاب لمراته هدية سلسلة جبال
* واحد بلدينا نزل محطة مصر لقى بتاع الأنابيب بيخبط عليها , قاله إفتحلي واحدة ساقعة وحياة أبوك
* مرة 2مساطيل قعدين بيحششو قدام نشرة الاخبار فى التليفزيون فنشرة الاخبار طولت فراح الاولانى قال للتانى :هى لية نشرة الاخبار طولت النهارده كدة؟ فراح التانى رد عليه وقال معلش اصل شكلها كدة النهاردة اخر حلقة
* اتنين بلدياتنا فكرو يلعبوا شطرنج،،، الملك ضرب نفسه بالنار
* مرة سواق تاكسى قابل واحد مسطول قال لة تاخد كااااام و تودييينى فييييييين قاله السواق هات اللى تيجيبه و انزل هنا
* واحد بلدياتنا طلع فوق الكوبري وقال يابوي كل دي بلكونة
* واحد بلدياتنا ساق العبط دخل فى الحيطه
* مرة واحد باع اللى وراه واللى قدامه واشترى اللى على جانبه
* مرة واحد توأم شاف اخوه، قاله انت فين من الصبح يخرب شكلك، امي خلتني استحما مرتين
* مرة سواق تاكسي داس بنزين موته
* كان فى واحد شكله وحش قوى قوى قوى عايز يتجوز فراح و اتقدم لواحده فبيقول لابوها: انا يا عمى و بلا فخر عملت نفسى بنفسى قاله : ما انا برده بقول استحاله تكون خلقة ربنا
* مذيعة قابلت اثنين مساطيل سألت الاول ايه رايك في مصر قالها مصر دي امى سالت التاني وانت ايه رايك قال:مااقدرش اتكلم علي ام صاحبي
* واحد ساكن فى الدور الخامس نادى على مراته وقال ياولية ارمى لى النظارة والمنديل رمتلة النظارة انكسرت قاللها استنى انا هطلع اجيب المنديل
* مره واحد بلدياتنا عاوز يفسح عروسته في شهر العسل فسحها في منحل
*13* *13
